نكت جامدة علي مظاهرات 25 يناير ميدان التحرير القاهرة
"الرئيس يهدد بإحراق نفسه ويطالب بتغيير الشعب."
وأخرى: "خبر عاجل: الرئيس وعبر أثير الاذاعة يهدي الشعب المصري أغنية نانسي
عجرم .. 'اخصمك اه .. اسيبك لأ.'"
سألوا الرئيس عن رأيه في التغيير ، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة
يعنى ايه كوكاكولا زيرو ...
** يعني مصر تعمل مظاهرات والجزائر تلغي قانون الطوارىء-
**يعنى العساكر والظباط تأخد أجازة نص السنة واحنا نوقف خدمة طول الليل-
**يعني احنا نعمل ثورة والمساجين هما إللي يتحرروا-
الشعب الليبي يرسل رسالة للعقيد معمر القذافي ويقول له : ايه رأيك سيادة القائد .. يوم الاتنين القادم يناسبك ؟
- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!
- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!
- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.
- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟
- "بلطجي" لقناة العربية: العيال بيرموا علينا قنابل "بلوتوث".
- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.
- عقد الريس جلسة مع وزير الداخلية السابق حبيب العدلي قاله محتدا: منعت الحشيش يا فالح؟ أهو الشعب صحصح.
- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.
أما من الشعارات التي حملها المتظاهرون المعتصمون في ميدان التحرير، فلعل من بين أبرزها:
- رابطة نجاري مصر يسألون الأسطى مبارك: "ما نوع الغراء الذي تستخدمه؟"
- ارحل.. الولية عاوزة تولد والولد مش عايز يشوفك
- ارحل عاوز أتجوز
- ارحل مراتي وحشتني.. متزوج من 20 يوم
- ده لو كان عفريت كان طلع
- لو ما استحمتش النهاردة في بيتنا.. هاستحمى يوم الجمعة في قصر الرياسة
رئيس البرلمان طلب من الرئيس كتابة رسالة وداع للشعب فرد عليه قائلا ’’ ليه هو الشعب رايح فين’’
صعيدي مصري دخل عالم النكت عندما رد على من سأله من : ماذا سنفعل بعد الإطاحة بالريس قال لها : حنلعب في النهائي مع تونس
نداء من تلميذ فى المرحلة الإبتدائية الى الثوار فى ميدان التحرير والحكومة: لا تنسوا أن تلك
الأحداث ستدخل فى مادة التاريخ واحنا اللى هنتعب فى مذاكرتها اختصروا من فضلكم .. حددووا مطالبكم
من بعض وخلصونا.. كدهش المادة هتبقى صعبة اوى
واحد يقول في المظاهرة : حرام عليكم ، أخرتووونا يجي ألف سنة
رد عليه واحد تاني قال له : ايوه صح انا رجعت البيت امبارح لقيت اخواتى لبسين جلد معيز وبيتنا بقى من البوص
Source : نكت جامدة علي مظاهرات ثورة 25 يناير ميدان التحرير القاهرة
السبت يناير 18, 2014 8:44 am من طرف 
موضوع: ههههههه احلى نكت 25 يناير خش وشوف ياريس!!!! 
